Mikiki地库，一个被喻为死场Food Corner，今晚竟然出现一条迂迴曲折的长长人龙…我也排了70分钟才可入坐。
因为争鲜开日系快餐店，8款定食草根价一律＄48…(E个直情係12年前沙士价钱啦，你话点会无人帮衬吖）
快餐店当然要先买票，付款后就开始计时，墙上大大只字表示，15分钟未送餐「免费」。（其实， 我已经盘算…点样可以令佢16分钟先送餐嚟呢？但谂唔到…）
付款后，店员送来两张＄50现金券并说：「新张期内食满＄100，就回赠2张＄50 Coupon畀你下次用」(哎呀！我哋点咗＄180…早知叫多廿蚊啦）
新开张…送餐过程非常混乱，女待应连续送错两份定食过来…第三次更有趣…她望着我们空空的枱问：「请问你哋份天妇罗嚟咗未？」（我望住佢笑一笑…其实张枱一眼睇晒无嘢喎…仲问？）
老实说，＄48真的超值，主菜份量足料到爆，而且还有麵豉汤、枝豆、蒸蛋，及Tiramisu，虽然排头有点似飞机餐，但绝无欺场。
白饭及麵豉汤更加可以自助形式任添任饮。
今晚我只添了半碗汤，但因为我份猪扒实在抵食，我连自己碗饭也吃不完，所以根本毋须添饭也饱到上心口。
真的没有骗人…芝士猪扒，芝士真的可以拉足8吋长㗎…（就连阿囝也看到O咀呀）
阿太食的炸虾天妇罗，三只虾也长过我部Note，阿太说：「咁鬼大只虾，仲要畀三只我，真係饱得紧要…不过啲脆浆厚咗啲啦」（结果佢凌晨一路打TsumTsum，一路依然不停话饱…）
其实阿太本来想点刺身定食，但遭我反对…「你叫刺身，我惊佢又係畀返争鲜货色你，咁就唔抵啦」
全家得我一人喜爱食枝豆，点解如此有趣的食物，一老一嫩一粒也看不上眼呢？（仲好，我今晚一人啪晒佢哋，不知几爽吖）
餐厅条例，凡高于1米的，都一定要点一个套餐，对于细食的一家三口，确实有点浪费食物。
全晚SY讚得最紧要的就是那件的的式式的Tiramisu，虽然Size有点细，但总好过送粒全无诚意的雪糕糯米糍啦！
PS：新开张食＄100回赠＄100的宣传，只去到23日(星期日)…记得着数要快手啦！
定食8
地址：新蒲岗太子道东638号誉港湾商场LG5号铺
电话：23192001
营业时间：11am-10pm
定食价目：豪华海景丼定食＄48； 炸虾天妇罗定食＄48
小食价目：盐烤赤虾＄30；鲜酱鲍鱼＄40